اویس کاسی اپنے خرچے کا ورلڈ چمپیئن شپ میں حصہ لے رہے ہیں

کوئٹہ
دبئی میں منعقد ہونیوالے ورلڈ چمپئین شپ 2021 کے مقابلوں میں پاکستان کی نمائندگی بلوچستان سے تعلق رکھنے والے مایہ ناز کھلاڑی نیشنل چیمپیئن، ساؤتھ ایشین گیمز گولڈ میڈلسٹ اور ملک کے پہلے U-21 میڈلسٹ محمد اویس کاسی کریں گے.

اویس خان کاسی مائنس 84 کلوگرام کیٹیگری میں مقابلوں میں شریک ہوں گے۔ قومی ٹیم کے کوچ شاہ محمد شان، ان کے سینئر انسٹرکٹر آغا محمد مینگل و عبد الرازق نے ان کیلئے اپنی نیک خواہشات کا اظہار کیا ہے اور کہا کہ وہ ضرور ملک و قوم کا نام روشن کرنے کی ہر ممکن کوشش کریں گے۔
ورلڈ چمپئین شپ کے مقابلوں میں اویس کاسی کے علاؤہ انفرادی کاتا میں نعمت اللہ، 55 کلو گرام میں مراد خان اور 75 کلو گرام میں پاکستان کے مایہ ناز کھلاڑی سعدی عباس بھی ملک کی نمائندگی کرتے ہوئے نظر آئیں گے۔

قومی کوچ شاہ محمد شان کا کہنا ہے کہ کسی بھی ٹریننگ کیمپ و بھرپور تیاریوں کے بناء فنڈز کی عدم دستیابی و سپانسرز نہ ہونے کی وجہ سے یہ کھلاڑی جیب سے پیسہ خرچ کرکے ملک و قوم کا پرچم سربلند کرنے کے عزم سے نکلے ہیں.