کوئٹہ،
بلوچستان کی معروف خاتون سونیا بلوچ کو ایک اور اعزاز دیدیا گیا۔ انہیں ان کی بہتر خدمات کی بدولت وائس اف یوتھ آرگنائزیشن کی جانب سے پرائیڈ آف پاکستان ایوارڈ سے نوازا گیا۔
سونیا بلوچ کا تعلق بلوچستان سے ہے۔ وہ بلوچستان میں چند گنے چنے فٹبال کھلاڑیوں میں سے ایک ہے اور وہ بلوچستان کی پہلی خاتون فٹبال کوچ کی خدمات بھی سر انجام دے چکی ہے۔
سونیا بلوچ اس ایوارڈ کو ان تمام خواتین بلخصوص لڑکیوں کے نام کیا جو زندگی میں جدوجہد پر یقین رکھتی ہو۔ انہوں نے ایوارڈ سے متعلق اپنے تاثرات میں کہاکہ میری ہر کامیابی اور پہچان صرف میرے لیے نہیں بلکہ ہر اس نوجوان لڑکی کے لیے ہے جو خواب دیکھنے کی ہمت رکھتی ہے اور اپنے مقاصد کے حصول کے لیے رکاوٹیں توڑتی ہے۔
انہوں نے نوجوان ٹیلنٹ کو تسلیم کرنے اور ان کی حوصلہ افزائی کے لیے “وائس آف یوتھ” آرگنائزیشن کا تہہ دل سے شکریہ ادا کرتے ہوئے کہا کہ یہ کامیابی میرے لئے ناقابل یقین ہے۔ میرے خاندان کے تعاون کے بغیر میرے لئے یہ کامیابی ممکن نہیں تھی، خاص طور پر میرے بابا جان اور میرے معاون شوہر، جنہوں نے ہمیشہ مجھ پر یقین کیا اور ہر لمحہ میرے شانہ بشانہ کھڑے رہے۔
