کوئٹہ : دین محمد وطن پال سے
سماجی تنظیم آئی ڈی اُو کیجانب سے کوئٹہ میں ایک دوہ روزہ مقامی اور افغانی کشیدہ کاری کے نمائش کا انعقاد کیا گیا۔ جس میں کشیدہ کاری کے مقامی اور افغانی جن میں قندھاری، ہزار گی اور خامک کے مختلف اقسام سے بنائے گئے چیزیں نمائش کیلئے رکھی گئی تھی۔ جن میں کشیدہ شیشوں کے علاوہ، تصویروں کے فریم، فن پارے، قالین، شو پیس اور دیگر اشیاء شامل تھیں۔
اس موقع پر کوئٹہ انڈکس سے بات چیت کرتے ہوئے آئی ڈی او کی ڈیزائننگ سپیشلسٹ نازیہ خان کا کہنا تھا کہ نمائش کا بنیادی مقصد بلوچستان کے مقامی اور افغانی کشیدہ کاری کو فروغ دینا اور دنیا کو اس سے آگاہ کرنا ہے۔ کیوں کہ دنیا کے کئی ممالک میں یہاں کے مقامی اور افغانی خاص کر خامک، کلتومار، قندھاری خامک اور دیگر مختلف قسم کے خامک کی طلب زیادہ ہے۔ جس کو مدنظر رکھتے ہوئے اس دو روزہ نمائش کا انعقاد کیا گیا۔ اس نمائش کے ذریعے ہم اُن افغان ہنرمندوں اور خریداروں کا براہ راست تعلق یا رابطہ بنانے کی کوشش کرتے ہیں۔
نازیہ خان کا کہنا تھا کہ آئی ڈی او اس منصوبے پر یو این ایچ سی آر کے تعائون سے 4 اضلاع میں افغانوں کے ساتھ مل کر کام کررہے ہیں۔ اس نمائش میں رکھی گئی تمام تر چیزیں پاکستان میں رہنے والے افغانوں نے تیار کی ہے۔ ہنرمند کے نام منصوبے سے 600 لوگ رجسٹرڈ ہیں جس میں مختلف قسم کے ہنر رکھنے والے لوگ شامل ہیں۔ ان کی مدد سے یہ کام کرکے مارکیٹ میں رکھتے ہیں۔اس وقت مارکیٹ میں چادر کپڑے، شیشے، بٹوے، لیٹ ٹاپ بیگز، خواتین کے کپڑوں اور چادروں کی طلب مارکیٹ میں زیادہ ہے۔
