کوئٹہ: دین محمد وطن پال سے
رکن بلوچستان اسمبلی یاسمین لہڑی نے کہا ہے کہ بلوچستان باصلاحیت اور با ہنر خواتین کا سرزمین ہے۔ یہاں کے خواتین نے ملکی ترقی میں سب سے اہم کردار ادا کیا ہے۔ دیہاتی علاقوں میں خواتین کو بہت سے مشکلات درپیش ہے۔ ریڈیو وہ واحد ذریعہ ہے جس کی مدد سے دور دراز کے علاقوں میں بسنے والی خواتین میں شعور بیدار کیا جاسکے گا۔ ترقی کیلئے لازمی ہے کہ ہم اپنے رویوں میں تبدیلی لائیں۔ کمیونٹی فوکسڈ ریڈیو پروگرام صنفی مساوات اور خواتین پر تشدد کے حوالے سے ترتیب دیا گیا ہے۔
یو این والنٹیئر اور یو این وومن کی جانب سے مقامی ہوٹل میں کمیونٹی فوکسڈ ریڈیو پروگرام کے ایک روزہ ورکشاپ سے خطاب میں رکن صوبائی اسمبلی یاسمین لہڑی اور سیکرٹری بہبود نسواں صدیق مندوخیل نے کہا کہ بلوچستان میں خواتین سے متعلق قوانین موجود ہیں لیکن اس پر عمل درآمد نہیں ہورہا۔ خواتین کی بہبود، بچوں کے حقوق اور معذور افراد کے مسائل حل کرنا موجودہ حکومت کی اولین ترجیحات میں شامل ہیں۔ خواتین کو با اختیار بنانے کے لیے انہیں آگاہی دینا ہوگی جس سے معاشرے میںترقی ممکن ہے۔ ہمارے معاشرے میں خواتین کو انتہائی اہم ، با وقار اور باعزت مقام حاصل ہے، اسے برقرار رکھنے کیلئے ہم سب کو اپنا مثبت کردارادا کرنا ہوگا۔ ترقی کیلئے لازمی ہے کہ ہم اپنے رویوں میں تبدیلی لائیں۔
انہوں نے کہا کہ بلوچستان باصلاحیت اور با ہنر خواتین کا سرزمین ہے۔ یہاں کے خواتین نے ملکی ترقی میں سب سے اہم کردار ادا کیا ہے۔ پختہ یقین اور عزم سے ہی تبدیلی ممکن ہے۔ دیہاتی علاقوں میں خواتین کو بہت سے مشکلات درپیش ہے۔ ریڈیو وہ واحد ذریعہ ہے جس کی مدد سے دور دراز کے علاقوں میں بسنے والی خواتین میں شعور بیدار کیا جاسکے گا۔ مسائل کی سب سے بڑی وجہ قوانین پر عملدرآمد نہ ہونے اور شعور کا فقدان ہے۔ ترقی اور تبدیلی کے لیے لازمی ہے کہ خواتین کو فیصلہ سازی میں شامل کیا جاسکے۔ بلوچستان کو پسماندگی اور مسائل خلوص نیت سے کام کرنے کی صورت میں نکالا جاسکتا ہے۔ ریڈیو ایک سستا میڈیم ہے جس کی مدد سے ہم اپنے مسائل پر اجاگر کرسکتے ہیں۔ توقع ہے کہ اس پروگرام کی مدد سے دور دراز علاقوں میں خواتین کے مسائل اجاگر کرنے میں مدد ملے گی۔ کمیونٹی ریڈیو پروگرام معاشے میں صنفی مساوات میں مددگار ثابت ہوگی۔
اس موقع پر ورکشاپ سے یو این والنٹیر کے طلعت جہاں، ریڈیو پاکستان کے سٹیشن منیجر سہیل خٹک، یو این وومن کی ریحانہ خلجی اور دیگر نے بھی خطاب کیا ۔ انہوں نے کہا کہ ریڈیو سب سے پرانا اور بہترین ذریعہ ہے جس کی مدد سے لوگ اپنے مسائل پر بات کرسکتے ہیں۔ بلوچستان کے مسائل کو اجاگر کرنے کیلئے کمیونی کی سطح پر پروگرام کی آغاز سے نہ صرف لوگوں میں شعور بیدار ہوگی بلکہ اس رضاکار بھی اس قابل ہوں گے کہ وہ کس طرح اپنے مسائل کو اجاگر کرسکتے ہیں۔ مقررین کا کہنا تھا کمیونٹی فوکسڈ ریڈیو پروگرام صنفی مساوات اور خواتین پر تشدد کے حوالے سے ترتیب دیا گیا ہے جسے کوئٹہ کے رضاکاروں کی مدد سے چلایا جارہا ہے۔
