کوئٹہ:دین محمد وطن پال سے
اسلامک ریلیف پاکستان بلخصوص بلوچستان میں خشک سالی اور موسمی تبدیلیوں کے باعث درپیش خطرات سے نمنٹنے کے حوالے میں لوگوں میں شعور و آگاہی بیدار کرنے میں اپنا اہم کردار ادا کررہا ہے۔ اسی مقصد کیلئے نئے نسل کے کاوشوں کو بروئے کار لایا جارہا ہے تاکہ زیادہ سے زیادہ لوگوں شعور بیدار کیا جاسکے۔ فن پاروں کی مدد سے لوگوں میں شعور بیدار کرنے کا یہ سلسلہ قابل تحسین ہے
اسلامک ریلیف کے زیر اہتمام گذشتہ روز میلینم مال میں یونیورسٹیوں اور فائن آرٹس سے تعلق رکھنےوالے اداروں کے طلباء و طالبات کے درمیان موسمی تبدیلیوں کے اثرات سے متعلق فن پاروں کا ایک روزہ مقابلے کا انعقاد کیا گیا۔ جس میں جامعہ بلوچستان، بلوچستان یورنیورسٹی آف انفارمیشن ٹیکنالوجی، انجینئرنگ اینڈ منیجمنٹ سائنسز اور سردار بہادر خان وومن یونیورسٹی کے علاوہ شال آرٹ گیلیری اور دیگر اداروں سے منسلک طلباء اور طالبات نے حصہ لیا۔
مقابلے کے موقع پر سیکرٹری کلچر، ٹوورزم اور آرکیالوجی ظفر علی بلیدی نے کہا کہ آرٹ لوگوں شعور پیدا کرنے ایک ایسا ذریعہ ہے جس کی طرف لوگ زیادہ اور جلدی مائل ہوتے ہیں۔ فن پاروں کی مدد سے لوگوں میں شعور بیدار کرنے کا یہ سلسلہ قابل تحسین ہے۔ آرٹ چونکہ ثقافت سے جڑا ہوا ہے اس لیے اس کی اہمیت زیادہ ہے۔ ثقافتی سرگرمیوں کی مدد سے لوگوں میں با آسانی شعور بیدار کیا جاسکتا ہے۔ انہوں نے طلباء اور طالبات پر زور دیا ہے کہ وہ صرف ایسے تقاریب میں ہی نہیں بلکہ عام ایام میں بھی شعور و آگاہی کے اس سلسلے کو جاری رکھے۔
پاکستان کو بلخصوصی بلوچستان کو کئی سالوں سے خشک سالی جیسے مسائل کاسامنا کرنا پڑ رہا ہے۔ جس کی وجہ سے نہ صرف کاشت کاری کو نقصان پہنچ رہا ہے بلکہ زیر زمین پینے کا صاف پانی بھی نایاب ہوتا جارہا ہے۔ بلوچستان کا قدیم کاریزات کا نظام اب جواب دے چکا ہے۔ ماضی میں سب سے زیادہ کاریزات کے صوبے میں اب کاریزات کا نام و نشاں تک موجود نہیں ہے۔ جبکہ لوگوں کو پینے کا صاف پانی بھی میسر نہیں ہے۔اگر ان مسائل پر قابو نہیں پایا گیا تو مستقبل میں خطرناک صورتحال سے دو چار ہوسکتے ہیں۔ اس قسم مسائل پر قابو پا نے کیلئے ہر شہری کو کردار ادا کرنا ہوگا۔
مقابلے میں حصہ لینیوالے طلباء و طالبات میں شال آرٹ گیلیری کے مقبول پہلے نمبرپر، سردار بہادر خان وومن یونیورسٹی کی خالدہ دوسری نمبر پر اور تیسرے نمبر پر بھی شامل آرٹ گیلری کے کاشف رہے۔ اس موقع پر سیکرٹری کلچر، ٹوورزم اور آرکیالوجی ظفر علی بلیدی نے شرکاء میں اسناد ، پوزیشن لینیوالوں میں ایوارڈز اور نقد انعامات تقسیم کئے۔ جبکہ مقابلے کی نگرانی سردار بہادر خان وومن یونیورسٹی کے فائن آرٹس کی چیئرپرسن حاجرہ بانو، ادارہ ثقافت فائن آرٹس کے خدائے رحیم اور شال آرٹس گیلری کےاشفاق شاہ نے کی۔
تقریب سے اسلامک ریلیف کی ثمیہ رشید اور دیگر نے بھی خطاب کیا۔ جس میں ا نہوں نے لوگوں پر زور دیا کہ وہ سیکھنے اور سکھانے کی حکمت عملی اپناتے ہوئے شعور و آگاہی کے اس سفر میں اپنےحصے کا کردار ادا کرے۔ واضح رہے کہ تقریب کے دوران مال میں موجود لوگوں نے مقابلے میں شریک طلباء اور طالبات کی جانب سے بنائے گئے فن پاروں کو سراہا اور ان میں دلچسپی ظاہر کیں اور بڑی تعداد میں لوگوں میں فن پارے دیکھے۔
