کوئٹہ: انڈکس نیوز ڈیسک
سینیٹر روبینہ عرفان کریم پیپلز پرائمری ہیلتھ انیشیٹو (پی پی ایچ آئی )بلوچستان کے بورڈ آف ڈائریکٹرز کی متفقہ طور پر چیئرپرسن منتخب ہوگئیں۔ بورڈ آف ڈائریکٹرز کے اجلاس روبینہ عرفان بلا مقابلہ چیئرپرسن منتخب ہوئیں ۔
پی پی ایچ آئی بلوچستان کے بورڈ آف ڈائریکٹرز کے اجلاس کی صدارت منیر احمد بادینی نے کی ۔ جس میں پروفیسر ڈاکٹر عبداللہ جان جعفر ڈاکٹر رشید ترین پروفیسر ڈاکٹر شہنازنصیر بلوچ سینیٹر روبینہ عرفان کیپٹن (ر )سردار اعجاز احمد خان جعفر صوبائی سیکریٹری خزانہ روحیل بلوچ سیکریڑی پی اینڈ ڈی اسفند یار خان کاکڑ اور ایڈیشنل سیکریڑی ہیلتھ حافظ طاہر شریک ہوئے ۔
پی پی ایچ آئی بلوچستان کے ٹرانسفر ہونے والے چیف ایگزیکٹیو آفیسر راشد رزاق اور چیف آپریٹنگ آفیسر محمد رفیق رئیسانی بھی شریک تھے بورڈ آف ڈائریکٹرز نے متفقہ طور پر اگلے تین سالوں کے لئے چیئرپرسن منتخب کیا۔ واضح رہے کہ اس سے پہلے سابق وفاقی وزیر تعلیم زبیدہ جلال پی پی ایچ آئی کی چیئرپرسن کے طور پر خدمات سر انجام دے رہی تھی۔
