کوئٹہ؛
وزیراعلی بلوچستان میر سرفراز بگٹی نے ہدایت کی ہے کہ بلوچستان کے ٹی وی اور ریڈیو کے فنکاروں کے مسائل کو فوری طور پر حل کئے جائیں۔ جبکہ اس سلسلے میں سیکرٹری ثقافت، سیکرٹری انفارمیشن اور دیگر تمام سٹیک ہولڈرز پر مشتمل کمیٹی تشکیل دیا جائے۔
وزیراعلی بلوچستان میر سرفراز بگٹی سے پاکستان ٹیلی ویژن کویٹہ مرکز اور ریڈیو پاکستان سے منسلک کمپئیرز کے وفد نے ملاقات کی۔ وفد نے وزیراعلی کو انڈومنٹ فنڈ کی تقسیم سے متعلق اپنے تحفظات اور درپیش مسائل سے آگاہ کیا۔ وفد میں پاکیزہ خان، عابد سمالانی، نویر نایاب، نوشاد علی، اجمل کاسی اور دیگر شامل تھے۔
اس موقع پر وفد نے وزیراعلی بلوچستان کو اپنے تحفظات اور درپیش مسائل سے آگاہ کیا اور کہا کہ انڈومنٹ فنڈز کو بلا تفریق کمپئیرز میں برابر تقسیم کیا جائے اور اس وقت کمپیئرز گوں نا گوں مسائل سے دوچار ہے جنہیں فوری طور پر حل کئے جائیں۔ بلوچستان کی نمائندگی اور اس کی مثبت تصور کو اجاگر کرنے میں یہاں کے کمپئیرز اور نے ہمیشہ کردار ادا کیا ہے۔ اور مستقبل میں ادا کرتے ہیں۔ حکومت کمپئیرز کے ساتھ نامناسب رویہ کا نوٹس لے۔
اس سلسلے میں وزیر اعلیٰ بلوچستان نے پرنسپل سیکریٹری کو 15 دنوں میں مسئلے کو حل کرنے کیلئے کمیٹی تشکیل دینے ہدایت کرتے ہوئے کہا کہ جن 92 کمپیئرز کی حق تلفی کی جا رہی ہے ان کی جانب سے پاکیزہ خان کو فوکل پرسن اور سیکرٹری کلچر ڈیپارٹمنٹ، انفارمیشن ڈیپارٹمنٹ اور دیگر اسٹیک ہولڈرز کو پر مشتمل کمیٹی دیا جائے جبکہ وزیر اعلیٰ بلوچستان کمیٹی کے چیئرمین ہوں گے
