کوئٹہ؛
پارلیمانی سیکرٹری برائے ثقافت و سیاحت نوابزادہ زرین خان مگسی نے کہا ہے کہ بلوچستان کینوس دنیا میں سب منفرد، دلکش اور مختلف ہیں۔ سیاحت کے فروغ کیلئے تمام ممکن اقدامات اٹھائیں گے۔ انفارمیشن ٹیکنالوجی کے س جدید دور میں ڈیجیٹل میڈیا کے پلیٹ فارمز کی اہمیت سے انکار نہیں کیا جاسکتا۔ سوشل میڈیا کارکنوں کے تجاویز پر عملدرآمد کریں گے اور ایک بہترین فریم ورک تشکیل دیں گے۔
نظامت محکمہ ثقافت، سیاحت و حرفت بلوچستان کیجانب سے کویٹہ سوشل میڈیا انفلوئسنرز کے ایک روزہ نشست کا اہتمام کیا گیا۔ جس میں پارلیمانی سیکرٹری برائے کلچر و سیاحت نوابزادہ میر زرین خان مگسی، ڈائریکٹر ثقافت داؤد ترین اور مختلف سوشل میڈیا پلیٹ فارمز کے نمائندوں، یوٹیوبرز، فنکاروں اور فلم میکرز نے شرکت کیں۔ اس موقع پر سوشل میڈیا کی اہمیت اور افادیت تجویز پیش کی گئی اور اسے عملی جامہ پہنانے کیلئے لائحہ عمل پر بات چیت کی گئی۔
اس موقع پر پارلیمانی سیکرٹری نے کہا کہ کلچر ڈیپارٹمنٹ بلوچستان کے عوام کا ادارہ ہے یہاں نے دروازے ہر فنکار کے کھلے ہیں۔ ہم چاہتے ہیں کہ بلوچستان کے حقیقی تشخص کو اجاگر کرنے کیلئے ہم سب ایک ساتھ کام کرے۔ اس ادارے منسلک تمام لوگ خواہ وہ آرٹسٹ ہو یا سوشل میڈیا انفلوئنسر ہو یا پھر ڈیجیٹل کونٹنٹ کئیریٹر ہو سب کو ایک ساتھ چلنا ہوگا تاکہ بلوچستان کی بہترین نمائندگی ہوسکے۔
