نیویارک : ویب ڈیسک
فیس بک اپنے صارفین کیلئے ایک نیا اور اہم فیچر متعارف کرواہا ہے۔ جس میں صارفین کو نیوز فیڈ کوئی غیر ضروری چیزیں نہیں بلکہ ان کے علاقائی خبریں اور مقامی پوسٹیںملیں گی۔ فیس کے بانی کے مطابق گزشتہ کافی عرصہ سے فیس بک پر جعلی خبریں، غیر ضروری اور فحش مواد کی گردش کی وجہ سے صارفین کے اعتماد میں کمی دیکھی گئی ہے۔ اسی ضرورت کو مدنظر رکھتے ہوئے فیس بک نے نئے فیچر کو متعارف کرانے کا فیصلہ کیا ہے۔ اس صورتحال کو دیکھتے ہوئے فیس بک کے بانی مارک زکربرگ نے اعلان کیا ہے کہ اب فیس بک پر بھروسہ مند مواد اور مقامی خبروں کو ترجیح دی جائے گی۔ گزشتہ روز مارک زکربرگ نے اپنے آفیشل فیس بک پیج پر ایک پوسٹ کے ذریعے تمام صارفین کو اس بات کی یقین دہانی کروائی کہ فیس بک نیوز فیڈ میں پہلی ترجیح ایسے مواد اور ان مقامی خبروں کو دی جائے گی جو معاشرے کے لیے مفید ہوں گی۔
مارک زکربرگ کا کہنا تھا کہ فیس بک صارفین کے اعتماد کو بحال کرتے ہوئے نیوز فیڈ میں تمام مقامی خبریں بھروسہ مند ذرائع سے فراہم کی جائیں گی ۔انہوں نے اپنی پوسٹ میں لکھا کہ صارفین کا مسلسل کہنا تھا کہ مقامی خبروں کو ترجیح دی جائے تاکہ ہمیں فوراً پتہ چل سکے کہ ہمارے اردگرد کیا ہو رہا ہے۔انہوں نے لکھا کہ رواں برس ان کی پوری توجہ اس بات پر ہے کہ فیس بک کا استعمال صرف تفریح کے لیے محدود نہ رہے بلکہ لوگ اس سے معاشرے اور ماحول میں بہتر تبدیلی لاسکیں۔
مارک زکربرگ کے مطابق فی الحال اس کی شروعات امریکا سے ہو رہی ہے اور کوشش ہے کہ جلد ہی یہ اپ ڈیٹ ہر جگہ فراہم کردی جائے۔انہوں نے مزید لکھا کہ یہ بات تسلیم کرنا ضروری ہے کہ اب فیس بک پر وقت صرف کرنا زندگی کا اہم حصہ بن چکا ہے۔انہوں نے کہا، وہ چاہتے ہیں کہ لوگ معاشرے میں ہونے والے مسائل سے باخبر رہیں اور ان کو تبدیل یا ختم کرنے کی کوشش کریں تاہم اب جب بھی کوئی صارف مقامی خبر یا ایسی کوئی پوسٹ شیئر کرے جو سب کے لیے مفید ہو تو اسے نیوز فیڈ میں اولین ترجیح دی جائے گی۔
