بلوچستان کے فنکاروں کو شدید مالی مشکلات کا سامنا شاہین علیزئ

کوئٹہ
پشتو،اردو،براہوی اور بلوچی زبان کی نامور ٹی وی اور فلم کی اداکارہ،ماڈل،کمپیئر،ٹی وی شوز کی میزبان شاہین علیزئی نے اپنے ایک بیان میں کہا ہے کہ بلوچستان کے فنکار شدید مالی مشکلات سے دوچار ہیں۔
فنکار معاشی بدحالی کی وجہ سے در در کی ٹھوکریں کھانے اور معاشی بدحالی کی وجہ سے فاقوں کا شکار ہیں۔
شاہین خان علیزئی نے کہا کہ صوبائی حکومت اور کلچر ڈپارٹمنٹ نے ہمیں پس پشت ڈال کر ہماری معاشی مشکلات میں اضافہ کر دیا ہے کیونکہ ایک طرف چولہے بُجھ گئے تو دوسری طرف بچوں کے تعلیمی اخراجات بے پناہ ہیں اور اوپر سے اس سخت سردی میں بچوں کے لئے گرم کپڑے تک مہیا کرنا جوئے شیر لانے کے مترادف ہیں۔
انہوں نے کہا فنکار ملک و قوم کی بے لوث خدمت کرتے ہیں مگر ان کو ہر دور حکومت نے صرف محرومیوں سے ہی نواز ہے جس کی وجہ سے تنگ آکر ہر ایک اپنے وطن کو چھوڑ کر کہیں اور آباد ہو رہے ہیں
جو کہ ملک و قوم کا سب سے قیمتی اثاثہ ہیں مگر اس اثاثے کی بے قدری اور حکومت کی طرف سے ان کو فنڈز نہ دینے پر ہر ایک مالی مشکلات کا شکار ہیں۔