کوئٹہ: دین محمد وطن پال سے
صوبائی دارلحکومت کوئٹہ میں انجمن ہلال احمر بلوچستان صوبائی شاخ کی جانب سے ریجینل بلڈ سینٹر کے تعاون سے 8 اگست کے شہداء کو خراج عقیدت پیش کرنے کے حوالے سے ایک انوکھے طرز کی سرگرمی کی گئی۔ جس میں مختلف مکاتب فکر کے لوگوں نے حصہ لیا۔
جمعہ کو انجمن ہلال احمر بلوچستان شاخ کی جانب سے حکومت بلوچستان کے ذیلی ادارے ریجینل بلڈ سینٹر کے اشتراک 8 اگست کے شہداء کو خراج عقیدت پیش کرنے کیلئے خون کے عطیے کا ایک روزہ کیمپ کا انعقاد کیا گیا جس میں ہلال احمر کے رضاکاروں کے علاوہ ملازمین اور مختلف مکاتب فکر کے لوگوں کی بڑھ چڑھ کر حصہ لیا۔ اس ایک روزہ کیمپ میں ہلال احمر بلوچستان شاخ کے سینکڑوں رضاکاروں اور ملازمین نے خون کا عطیہ پیش کرکے 8 اگست کے شہداء کو زبردست خراج عقیدت پیش کیا۔
ہلال احمر بلوچستان کے سیکرٹری ڈاکٹر عمران کے مطابق کیمپ کا بنیادی مقصد 8 اگست کے شہداء کو خراج عقیدت پیش کرنا تھا اور اس کیمپ میں عطیہ کیا جانیوالا خون انسانی جانوں کی تحفظ کیلئے بروئے کار لایا جائے گا اور پوری دنیا کو یہ پیغام دینا تھا کہ خون کا عطیہ سب سے عظیم انسانی خدمت ہے جس کی مدد سے ہم اپنے لوگوں کی جانیں بچا سکتے ہیں۔
اس دن کی مناسبت سے ہلال احمر کے سینکڑو رضاکار ملازمین خون عطیہ کرنے کیلئے آئے ہیں۔ اس کے علاوہ مختلف مکاتب فکر کے لوگ بھی اس کیمپ میں شریک ہیں۔ یہ سب لوگ یہی چاہتے ہیں کہ 8 اگست کے شہداء کو خراج عقیدت پیش کیا جائے اور ان کی یاد میں اپنا خون کسی ضرورت مند کیلئے عطیہ کریں۔ اور لوگوں یہ شعور اجاگر کیا جائے خون دینے سے زندگی بچائی جاسکتی ہے۔
