See Prime”کی فلم ‘Half-cooked’سے میکال ذوالفقاراور حمیمہ ملک پہلی بار کسی مختصر فلم میںاداکاری کا آغازکر رہے ہیں”
پاکستان کے تیزی سے ترقی کرتے ہوئے ڈیجیٹل پلیٹ فارم See Primeنے ایک اور دلچسپ فلم ‘Half-cooked’ریلیزکردی ہے جو میکال ذوالفقار اور حمیمہ ملک کی سب سے پہلی مختصرفلم ہے۔
اس فلم کی کہانی ایک جوڑے ایات اور ریحان کے گرد گھومتی ہے جو اپنی روزمرہ کی بے مزہ زندگی کو بدلنے اور پرلطف بنانے کیلئے ایک گیم کھیلتے ہیں۔بلآخر یہ گیم ان کے تعلقات کو ایک یادگار احساس کے بندھن میںباندھ دیتاہے۔
See Primeکی پس پردہ شخصیت اور ایگزیکٹیو پروڈیوسر سیمیںنویدنے فلم پر تبصرہ کرتے ہوئے کہا،”مجھے یقین ہے کہ بہت سے جوڑوںکویہ کہانی ان کی اپنی زندگی کی کہانی جیسی معلوم ہوگی۔ میں نے ہمیشہ نوجوان فلمسازوں کی حوصلہ افزائی کی ہے کہ وہ آگے بڑھیںاور دنیا کواپنی کہانی سنائیں اور مجھے امید ہے کہ ناظرین اس مختصر فلم سے بھی اسی طرح لطف اندوز ہوں گے جیسے ہماری ٹیم نے اس کو فلمانے میں لطف محسوس کیا ہے۔”
شاہ رخ نویدکی تحریراور ہدایات میں بننے والی اس فلم میں دکھایا گیا ہے کہ بعض اوقات ہم توجہ نہیںدیتے کہ ہمارے ارد گرد کے لوگ کس طرح خاموشی سے بہت کچھ سہ جاتے ہیں۔ Flmoclock Studioکے بینر تلے بننے والی فلم "Half-cooked”کو سیمیں نویدنے بڑی مہارت سے پروڈیوس کیاہے جب کہ اس فلم کے کوپروڈیوسر اسدنعیم اور قیصررفیق ہیں۔
یہ مختصر فلم اب خصوصی طور پر See Prime کے یو ٹیوب چینل پر دستیاب ہے۔
Link TBA
See Prime کے بارے میں
See Prime ڈیجیٹل انٹرٹینمنٹ پلیٹ فارم ہے جواپنے ناظرین کیلئے نیا،منفرد اور انوکھااوریجنل اور امتیازی موادپیش کرتا ہے۔
اس نے کامیابی کے ساتھ اپنے ناظرین کیلئے ان کہی اور منفرد بیانیہ کے ساتھ ایک نیا رخ پیش کیااہے اور بالکل مختلف اور متنوع موضوعات دریافت کئے ہیں۔
