کوئٹہ؛
پاکستان کی تاریخ پہلی بار بلوچستان میں یونیورسل فائٹ لیگ کے مقابلوں کا انعقاد کیا جارہا ہے۔ جس میں پورے ملک سے 100 کے قریب مرد و خواتین کھلاڑیوں کے مقابلے کرائے جارہے ہیں۔ جس کی کامیابی کے بعد پاکستان میں پہلی بار عالمی سطح کے باکسنگ کے مقابلوں کا انعقاد بھی کیا جائے گا۔
یو ایف ایل کے ایگزیکٹیو ڈائریکٹر رحمت گل آفریدی، منصور درانی اور دیگر نے کوئٹہ پریس کلب میں پریس کانفرنس سے خطاب کے دوران کہا کہ باکسنگ کے اس مقابلوں کا مقصد ملک میں کھیلوں کو فروغ دینا ہے ، ہماری کوشش ہے کہ قومی سطح سے بین الاقوامی سطح کے مقابلوں کا انعقاد پاکستان میں ممکن بنایا جاسکے۔ باکسنگ کے یہ مقابلے پاکستان کی تاریخ میں پہلی بار بلوچستان میں منعقد کئے جارہے ہیں۔ جس میں ملک کے نامور باکسرز حصہ لے ہے ہیں۔ ان مقابلوں کے مردوں کے آٹھ ویٹ کٹیگریز اور خواتین کے دو ویٹ کٹیگیریز میں مقابلے کرائے جائیں ۔ یونیورسل فائٹ لیگ کے منتظمین کا کہنا تھا کہ یہ مقابلے اپنی مدد آپ کے تحت کرائے جارہے ہیں جس میں بھاری رقم کے انعامات بھی دیئے جارہے ہیں۔
