اسلام آباد؛
اپنی نوعیت کی محبت کی کہانی ‘مسز اینڈ مسٹر شمیم’ میں صبا قمر اور نعمان اعجاز مرکزی کردار ادا کررہے ہیں۔ 2020میں ، ایک بڑے کونٹیکٹ برانڈزندگی نے Zee5 پر ایک منفرد five star studded اوریجنل ویب سیریز کا اعلان کیا جس میں من جوگی بھی شامل تھی۔ اس سیریزکے اعلان کی ابتداء سے ہی انوکھے اور منفر د شوکیلئے بڑ ی توقعات پیدا ہوگئیں۔ اب اس کی ریلیزکے نکتہ ء آغازپر زندگی نے شو کے نئے نام ‘مسز اینڈ مسٹر شمیم’ کا اعلان کردیاجو ایک جوڑے کے عجیب وغریب سفرپر مبنی ہے۔
زندگی کی جلد ہی ریلیز ہونے والی اوریجنل ‘مسز اینڈ مسٹر شمیم’ سچی محبت کی کہانی ہے جو ایک تعلق اور دوستی کے احساس کے ساتھ شروع ہوتی ہے۔ پاکستان کے معروف ٹیلی ویژن ڈائریکٹر کاشف نثار نے اس کی ہدایات دی ہیں جو اس سے پہلے کئی آرٹسٹک ڈرامہ سیریز کی ہدایات دیے چکے ہیں جن میں زندگی شوز دم پخت ۔ آتش عشق اور او رنگریزا شامل ہیں۔ اس کی کہانی سجیع گل نے لکھی ہے جن کا شمار پاکستان کے نمایاں ڈرامہ نگاروں میں ہوتا ہے جو سماجی مسائل پر لکھتے ہیں ۔ انہوں نے زندگی شو او ررنگریزا بھی لکھی ہے۔
اس خبر کی تصدیق کرتے ہوئے سیریز کے ڈائریکٹرکاشف نثار نے کہا،” نیا نام ‘مسز اینڈ مسٹر شمیم’ کہانی کی صحیح عکاسی کرتا ہے جو معاشرے کے بدلتے ہوئے منظر نامے کو ظاہر کرتا ہے ؛ جس میں ایک عورت تعلقات میںبرابری کا کردار ادا کرتی ہے۔ ہمیں یقین ہے کہ اس منفرد جوڑے کے سفر کی یہ کہانی ناظرین کیلئے بے حد دلچسپی کا سبب ہوگی۔
ZEEاسپیشل پروجیکٹس کی جانب سے تیارکی گئی ‘مسز اینڈ مسٹر شمیم’ حقیقت میں ایک انوکھی کہانی ہے جس میںواضح کیا گیا ہے کہ ہر محبت خاص ہوتی ہے ، لیکن صرف چند لوگ ہی اس کو سمجھنے میں کامیاب ہوتے ہیں ، اس سے سیکھتے ہیں اور ساتھ مل کر آگے بڑھتے ہیں۔
