کوئٹہ
ایواجی الائنس کی جانب سے کوئٹہ میں سردار بہادر خان وومن یونیورسٹی کی طالبہ کی شوہر کے ہاتھوں بہیمانہ قتل کے خلاف پریس کلب کے سامنے احتجاجی مظاہرہ کیا گیا۔ جس میں سول سوسائٹی کے نمائندوں نے شرکت کیں۔ مظاہرین سے ایواجی الائنس کی سربراہ ثناء درانی اور دیگر نے خطاب کیا۔ اس موقع پر شرکاء نے حکومت پر زور دیا کہ مقتولہ بی بی آمنہ کے قاتل شوہر کو فوری طور پر گرفتار کیا جائے اور سخت سے سخت سزا دی جائے۔
پریس کلب کے سامنے منعقدہ احتجاجی مظاہرے میں مقتولہ بی بی آمنہ کے والد نے بھی شرکت کی۔ مظاہرین نے پلے کارڈ اٹھا رکھے تھے جس میں قاتل کی گرفتاری اور خواتین کو تحفظ فراہم کرنے کے حوالے سے نعرے درج ہے۔
