کوئٹہ؛
بلوچستان کے 9اضلاع میں انسداد پولیو کے مہم کا آغاز سیکرٹری صحت صالح ناصر نے بچے کو قطرے پلاکر کردیا اس سلسلے میں والدین سے اپنے بچوں کو پولیو کے قطرے پلانے کی اپیل کی گئی ہے۔ پولیو مہم 37یونین کونسلز میں 7دن تک جاری رہے گی۔مہم کے دوران 575ٹیمیں 1لاکھ 27ہزار53 بچوں کو پولیو سے بچاؤ کے قطرے پلائیں گے۔
پولیو کے 7روزہ مہم کے دوران کوئٹہ کے ایک یونین کونسل پنجپائی، قلعہ سیف اللہ کے 2 یونین کونسل، پشین کے 4یونین کونسل،چمن کے 5یونین کونسل، قلعہ عبداللہ کے 6یونین کونسل،چاغی کے 9یونین کونسل،لورالائی کے 3یونین کونسل،نوشکی کے 4یونین کونسل اور ژوب کے 3یونین کونسل میں بچوں کو پولیو سے بچاؤ کے قطرے پلائے جائیں گے۔
سیکرٹری صحت صالح ناصر نے والدین، علماء اور زندگی کے مختلف شعبوں سے تعلق رکھنے والے افراد سے مہم کے دوران تعاؤن کی اپیل کی ہے۔ واضح ہے کہ جنوری 2021سے بلوچستان پولیو کا کوئی بھی کیس سامنے نہیں آیا۔
