کوئٹہ، پریس ریلیز :
نیشنل یونیورسٹی آف سائنس اینڈ ٹیکنالوجی (نسٹ)میں منعقدہ ہائیر ایجوکیشن کمیشن (ایچ ای سی)کے تحت دو روزہ سیمنار میں ’’سی پیکـ کنسوشیم آف بزنس اسکولز‘‘تشکیل دے دیا گیا تقریب کے مہمان خصوصی وفاقی وزیر داخلہ احسن اقبال تھے جبکہ چائینا ایسوسی ایشن آف ہائیر ایجو کیشن کے صدر ڈویوبو،ایچ ای سی کے ایگزیکٹیو ڈائیریکٹر ڈاکٹر ارشد علی اورسی پیک کے کنسلٹنٹ لیفٹیننٹ جنرل (ر)محمد اصغر نے بھی خصوصی شرکت کی تقریب میں چین کی صف اول کی 9جامعات کے نمائندوں سمیت C9لیگ کے سات نمائندے بھی شریک ہوئے۔
تقریب سے خطاب کرتے ہوئے مہمان خصوصی وفاقی وزیر داخلہ احسن اقبال نے کہا کہ پاک چین اقتصادی راہداری اس خطے میںنئے دور کا آغاز ہے ان کا کہنا تھا کہ اس کنسوشیم کا مقصد تعلیمی اداروں اوربزنس اسکولز کو ایک پلیٹ فارم پر لانا ہے جس سے اقتصادی اور انتظامی معاملات میں خاطر خواہ مدد ملے گی جس سے پاک چین حکومتیں استفادہ حاصل کر کے پاک چین اقتصادی راہداری کو بہترین انداز میں پایہ تکمیل تک پہنچا سکیں گے۔
پاکستان سے بلوچستان یونیورسٹی آف انفارمیشن ٹیکنالوجی انجینئرنگ اینڈ مینجمنٹ سائنسزجدیدٹیکنالوجی سمیت کومسیٹ انسٹیٹیوٹ آف انفارمیشن ٹیکنالوجی، انسٹیٹیوٹ آف بزنس ایڈ منسٹریشن(IBA)،انسٹیٹیوٹ آف بزنس سائنسز(IMS)، لاہور یونیورسٹی آف مینجمنٹ سائنسز(LUMS)،نیشنل یونیورسٹی آف سائنس اینڈ ٹیکنالوجی (NUST)،پاکستان انسٹیٹیوٹ آف ڈولپمنٹ اکنامکس اور یونیورسٹی آف پنجاب شامل ہے جبکہ چین کی صف اول کی جامعات بھی اس کا حصہ ہونگی۔
وائس چانسلر بیوٹمز احمد فاروق بازئی نے کہاکہ بلوچستان یونیورسٹی آف انفارمیشن ٹیکنالوجی انجینئرنگ اینڈ مینجمنٹ سائنسزجدیدٹیکنالوجی کا ’’سی پیکـ کنسوشیم آف بزنس اسکولز‘‘میں انتخاب بلوچستان بھر کے طالب علموں اور جامعات کیلئے باعث فخر ہے پاک چین اقتصادی راہداری منصوبہ جو کہ پاکستان سمیت دنیا بھر کی معشیت کا مرکز ہوگا اس کا محور اور مرکزی کردار ہمارا یعنی بلوچستان کا ہے۔
طلباء اور دیگر نوجوانوں کو جدید تعلیم اور ہنر سے لیس کر کے پاک چین اقتصادی راہداری کیلئے تیار کرنا وقت کی اہم ضرورت ہے انہوں نے بیوٹمز کے افسران اور اساتذہ کو سی پیکـ کنسوشیم آف بزنس اسکولز میں بیوٹمز کی بلوچستان کی جانب سے نمائندگی پر مبارکباد دی اور ہدایت دی کہ چین کی یونیورسٹیز کے ساتھ تعلیمی روابط اور اس کنسوشیم کے مقاصد حاصل کرنے کے لیے بھر پور محنت اور حکمت عملی مرتب کی جائے۔
