کوئٹہ
پی پی پی ویمن ونگ بلوچستان کی سیکرٹری اطلاعات اور وفاقی وزارت اوورسیز پاکستانیز وانسانی ترقی کی فوکل پرسن محترمہ کرن بلوچ نے ایک بیان میں بولان میں پنجرہ پل بہ بننے پر افوس کا اظہار کرتے ہوئے کہا ہے کہ حالیہ بارشوںکے نتیجے میں ایک بار پھرعارضی پل بہہ گیاجس کے نتیجے میں کوئٹہ سبی روٹ پر ٹریفک معطل ہو گئی ہے،
انہوں نے کہا کہ گزشتہ سال طوفانی بارشوں اور سیلاب سے پنجرہ پل ٹوٹ گیا تھا مگر ایک سال گزرنے کے بعدبھی پل کی تعمیر نہ ہو سکی ، ندی کے اندر ایک عارضی راستہ بنا دیا جاتا ہے جو تھوڑی سی بارش میں بہہ جاتا ہے،
اس صورتحال میں مسافراذیت ناک صورتحال سے دوچار ہو جاتے ہیں، ہزاروں گاڑیاں پھنس جاتی ہیں اس بار بھی یہی صورتحال ہے ، پل بہہ جانے کے باعث کوئٹہ اور سبی کے درمیان رابطہ3 روز سے منقطع ہےجس کی وجہ سے بولان میں پھنسے مریضوں ، بزرگوں اور خواتین کو شدید مشکلات کا سامنا ہے،انہوں نے کہا کہ بارش اور سیلابی ریلوں سے بلوچستان میں دیگر مقامات پر بھی رابطہ پلوں اور شاہراہوں کو شدید نقصان پہنچا ہے، وفاقی حکومت ہنگامی بنیادوں پر پنجرہ پل سمیت تما م متاثرہ پلوں کی تعمیر یقینی بنائے اور لوگوں کو مشکلات سے نجات دلائے-
