کوئٹہ:
پشتونخوا ملی عوامی
پارٹی کے زیرا ہتمام 7 اور11اکتوبر کے شہداءکی یاد میں میٹرو پولیٹین کارپوریشن کے احاطے میں تعزیتی جلسہ عام کاانعقاد کیا گیا۔ جس میں پارٹی کے صوبائی صدر و سینیٹر عثمان خان کاکڑ، سابق سینیٹر عبدالرﺅف لالہ، رکن قومی اسمبلی عبدالقہار خان ودان، صوبائی وزیر ڈاکٹر حامد خان اچکزئی، عبیداللہ بابت، رکن صوبائی اسمبلی نصراللہ زیرئی، یوسف خان کاکڑ، قادر آغا، احمد جان لالہ اور دیگر صوبائی قائدین نے شرکت کیں۔ اس موقع پر انہوں نے 7اکتوبر 1983ءاور 11اکتوبر 1991ءکے شہداءکو زبردست خراج عقیدت پیش کرتے ہوئے کہاکہ انہوں نے پشتون قومی سیاست کی بقاءکے لیے قربانی دے کر قومی سلامتی کو یقینی بنانے میں اپنے حصہ ڈال دیا۔ مقررین نے موجودہ سیاسی صورتحال پر بھی روشی ڈالی۔ انہوںنے پشتونوں کے ساتھ ہونیوالے امتیازی سلوک روا رکھنے کی شدید مخالفت کی ۔
جلسہ عام کی تصاویری جھلکیاں
