کوئٹہ
بلوچستان ٹیکنیکل اسٹاف ایسوسی ایشن کے ایک وفد نے نور شاہ کی صدارت میںصوبائی وزیر محنت و افرادی قوت بلوچستان سردار بابا غلام رسول عمرانی سے ملاقات کی اور انہیں صوبائی وزیر بننے پر مبارک باد دی ۔
ملاقات کے دوران نور شاہ نے صوبائی وزیر سردار بابا غلام رسول عمرانی کو ٹیکنیکل اسٹاف کے مسائل پیش کئے، جن میں ٹیکنیکل اسٹاف کی تمام کیڈرز کی سینیارٹی لسٹیں ، ٹیکنیکل پوسٹوں پر ٹیکنیکل اسٹاف کی تعیناتی ، گریڈ 16 سے اُوپر سروس رولز کے علاوہ ٹیکنیکل اسٹاف اور بلوچستان کے تمام سنٹرز کے مسائل پے بات چیت ہوئی، جس پر صوبائی وزیر محنت و افرادی قوت نے ترجیحی بنیادوں پر مسائل حل کرنے کی یقین دہانی کرائی۔بلوچستان ٹیکنیکل اسٹاف ایسوسی ایشن کے وفد نے صوبائی وزیر کا شکریہ ادا کیا۔
