کوئٹہ: دین محمد وطن پال سے
وزیراعلیٰ بلوچستان نواب ثناء اللہ خان زہری کے کوارڈی نیٹر علاوالدین کاکڑ نے کہا ہے کہ بلوچستان جیسے پسماندہ صوبہ میں تعلیمی سرگرمیوں کو فروغ دینے میں نجی اداروں کی کارکردگی قابل تحسین ہے۔ تعلیمی میدان میں اچھی کارکردگی دکھانے والے اداروں کی حوصلہ افزائی کرنا موجودہ حکومت کی اولین ترجیحات میں شامل ہیں۔
ایکسیلٹ ایجوکیشنل انسٹی ٹیوٹ ہزارہ ٹاون کے سالانہ تقریب سے خطاب کے دوران انہوں نے کہاکہ بلوچستان میں تعلیمی ترقی کے لیے موجودہ حکومت کے اقدامات کی مثالیں سابقہ ادوار میں نہیں ملتی۔ تقریب سے انسانی حقوق بلوچستان کے صدر ڈاکٹر نذیر درانی اور جنرل سیکرٹری آغا توصیف گیلانی، سماجی کارکن روح اللہ سادات، ذوالفقار اور دیگر نے بھی خطاب کیا۔ اس موق پر انہوں نے نجی تعلیم اور بین الاقوامی زبان کی اہمیت کی بارے میں شرکاء کو بتایا کہ مستقبل قریب میں بلوچستان تعلیم یافتہ اور باہنر افراد کا مرکز ہوگا. لہذا آج ہم سب کی ذمہ داری بنتی ہے کہ ایک دوسرے کے ساتھ ملکر بلوچستان کو پسماندگی سے نکالنے میںاپنا کردار ادا کرے تاکہ مستقبل کا بلوچستان خطے کا ایک خواندہ صوبہ ہو.
اس موقع پر وزیراعلیٰ بلوچستان کے کوارڈی نیٹر علاوالدین کاکڑ نے ویلکم ٹیبلو پیش کرنے والے اور قرات کا سعادت حاصل کرنیوالے بچوں کو نقد انعامات دیئے جبکہ ادارے کی فلاح و بہبود کیلئے نقد امدادی رقوم ادارے کے سربراہ کے حوالے کیا۔ تقریب کے اختتام پر مہمانوں نے اچھی کارکردگی دکھانے والے طلباء اور طالبات میں انعامات اور اسناد بھی تقسیم کیے۔ تقریب میں سماجی کارکن روح اللہ سادات نے بھی ادارے کی فلاح کے لیے امدادی رقوم ادارے کے سربراہ کے حوالے کیا۔
