کوئٹہ، دین محمد وطن پال سے؛
حلقہ این اے 260پر جمعیت علائے اسلام (ف) کے امیدوار میر عثمان بادینی پر واضح برتری حاصل ، الیکشن کمیشن آف پاکستان بلوچستان شاخ نے حلقہ این اے 260پر ہونیوالے ضمنی انتخابات کے نتائج کا اعلان کردیا۔ ٹوٹل ڈالے گئے ووٹ کی تعداد 1لاکھ 80ہزار 80رہی جبکہ ووٹ ڈالنے کی شرح 29فیصد رہی۔
حلقہ این اے 260پر ٹوٹل ووٹ کی تعداد 4لاکھ 60ہزار 202ہے جن میں ڈالے گئے ووٹ ڈالے گئے ووٹوں کی تعداد 1لاکھ 80ہزار 80ہے۔ ٹوٹل 1لاکھ 33ہزار، 4سو 77مردوں نے جبکہ 46ہزار 603خواتین ووٹر نے ووٹ کاسٹ کیا ہے۔ جن میں 3ہزار 788ووٹ مسترد کئے جاچکے ہیں۔
نتائج کے مطابق جمعیت علمائے اسلام فے کے امیدوار میر عثمان بادینی نے 44ہزار 610ووٹوں کے ساتھ پہلے نمبر پر، بلوچستان نیشل پارٹی (مینگل )کے امیدوار میر بہادر خان مینگل 37ہزار 481ووٹوں کے ساتھ دوسرے نمبر پر، پشتونخوا ملی عوامی پارٹی کے امیدوار جمال ترہ کئی 20ہزار 485ووٹوں کے تیسرے نمبر پر جبکہ پاکستان پیپلز پارٹی کے امیدوار سردار حمیر محمد حسنی 19ہزار 840ووٹوں کے ساتھ چوتھے نمبر پر ہے۔
واضح رہے کہ مذکورہ نشست پشتونخوا ملی عوامی پارٹی کے سینئر ڈپٹی چیئرمین عبدالرحیم مندوخیل کے انتقال کے بعد خالی ہوئی تھی۔ جس پر ممکنہ طور پر جمعیت علماء اسلام (ف) بلوچستان نیشنل پارٹی(مینگل) اور پشتونخوا ملی عوامی پارٹی کے امیدواروں کے درمیان مقابلہ متوقع تھا۔
