ایشیا آرٹس گیم چینجر ایوارڈ کیلئے مدعو کرنے پر خوشی ہے، زیب بنگش

اس موقع پر زیب بنگش کا کہنا تھا کہ مجھے ایشیا سوسائٹی کے انڈیا سینٹر کی طرف سے ان کے سالانہ ایشیا آرٹس گیم چینجر ایوارڈ کا حصہ بننے کے لیے مدعو کرنے پر بے حد خوشی ہے، اس سال ایوارڈ میں زیب بنگش کے چار ٹریکس جس میں ،صنفِ آہن کا ساونڈ ٹریک، ایک تھی مریم سے پنکھ لگا کے، سنبھل سنبھل اور آجا رے مورے سیاں شامل تھے۔ انھوں نے تینوں فاتح ہمت شاہ، سماکشی سنگھ اور جیسمین نیلانی جوزف کو مبارکباد بھی پیش کیں۔ زیب بنگش کا کہنا تھاکہ اس طرح کے تبادلے جنوبی ایشیا کی فنکار برادری کو نہ صرف ملنے جلنے اور مشغول رہنے کا موقع فراہم کرتے ہیں بلکہ اس طرح مل کر کام کرنے کی اجازت دیتے ہیں جو کہ شائد دوسری صورت میں ممکن نہ ہو۔ ہمیشہ کی طرح ایشیا سوسائٹی کے ساتھ شراکت سے مجھے بہت خوشی ہے، جن کے ساتھ میں نے کئی مواقع پر کام کیا ہے، اور میں مستقبل میں بھی ایسا دوبارہ کرنے کی منتظر ہوں ۔