ژوب؛
زونل ڈائریکٹر شراف الدین کی سربراہی میں بی ایف اے فوڈ سیفٹی ٹیم نے ضلعی انتظامیہ کے ہمراہ کارروائی کرتے ہوئے صفائی کے ناقص انتظامات اور غیر صحت بخش خوراک کی تیاری و فروخت پر 4 ہوٹلوں سمیت 13 مراکز پر جرمانے عائد کردئیے ۔جرمانہ کیے دیگر مراکز میں 4 ملک شاپس ، 2 جنرل اسٹورز ، 1 میٹ شاپ ، 1 مصالحہ شاپ اور 1 ڈرائی فروٹ شاپ شامل ۔
ہوٹلوں کو صفائی کے ناقص انتظامات ، پکوان میں غیر معیاری کوکنگ آئل ، چائنیز نمک و مضر صحت رنگوں کے استعمال ، مراکز میں حشرات کی موجودگی سمیت مختلف وجوہات پر جرمانہ کیا گیا۔ ملک شاپس کے خلاف دودھ میں ملاوٹ جبکہ جنرل اسٹورز کے خلاف زائد المعیاد مشروبات و فارمولا ملک اور پابندی عائد اشیاء خوردونوش کی فروخت پر کارروائی کی گئی ۔
