کوئٹہ:
یوم دفاع پاکستان کے موقع پر میلینئم مال میں یوتھ فورم فار کشمیر کے زیر اہتمام ایک روزہ تقریب کا انعقاد کیا گیا۔ اس موقع پر شہداء وطن کو خراج تحسین پیش کرتے ہوئے خصوصی بچوں نے ٹیبلوز پیش کئے۔ تقریب میں مختلف مکاتب فکر کے لوگوں بلخصوص خواتین اور بچوں نے خصوصی طور پر شرکت کیں۔
مقررین نے کہا کہ ملک میں امن قائم کرنے کیلئے سیکیورٹی فورسز کے ساتھ ساتھ عوام نے بھی قربانیاں دی ہیں۔ جوکہ ہمارے لیے مشعل راہ ہے۔ یہ وطن ہم سب کا مشترکہ وطن ہے ہم سب پر اس حفاظت کی بھاری ذمہ داری عائد ہوتی ہے۔ دہشتگردی کے خلاف ہم سب سیکیورٹی اداروں کے شانہ بشانہ کھڑے ہیں ۔ اس دوران میلینئم مال کو شہداء 8 اگست سول ہسپتال، آرمی پبلک سکول اور دہشتگردی کے دیگر واقعات میں شہید ہونیوالوں کے تصاویر بھی آویزاں کئے گئے۔ جبکہ 6 ستمبر کے شہداء کے خصوصی پوسٹر بھی آویزاں تھیں۔
نیوز ڈیسک/ کوئٹہ انڈکس
