کوئٹہ؛
پولیو ورکرز ہر طرح کے سخت حالات اور موسم کی سختیوں کے باوجود انسداد پولیو مہم کی کامیابی کے لئے کوشاں رہتے ہیں ، مختلف اوقات میں پولیو ورکرز کو شہید کیا گیا ہے جس سے ان میں تشویش کی لہر پائی جاتی ہے اس کے باوجود پولیو کے خاتمے کے قومی کاز کے لئے پولیو ورکر پوری تندہی اور محنت سے کام کررہے ہیں، پولیو ورکرز ہمارے قومی ہیرو ہیں جن کی خدمات کو خراج تحسین پیش کرتے ہیں،
پارلیمانی سیکرٹری صحت ڈاکٹر ربابہ بلیدی نے اپنے پیغام میں مزید کہا کہ پولیو ویکسین سے متعلق منفی پروپیگنڈے کے باعث خواتین پولیو ورکرز کو مختلف طریقوں سے پریشان اور تنگ کرنے کی بھی رپورٹس سامنے آئی ہیں جو بلوچستان جیسے قبائلی صوبے کی شایان شان نہیں ہے، پولیو کا خاتمہ میڈیا سمیت تمام اسٹیک ہولڈرز کا مشترکہ سماجی فریضہ ہے ، پولیو ویکسین سے متعلق بغیر کسی تصدیق کے پروپیگنڈے سے پورے معاشرے پر برے اثرات مرتب ہوتے ہیں. بدقسمتی سے دنیا میں صرف پاکستان اور افغانستان میں اس وقت پولیو وائرس موجود ہے بلوچستان کے 4اضلاع میں پولیو وائرس اسٹور ہے جہاں خطرات موجود ہیں.
ڈاکٹر ربابہ بلیدی کا مزید کہنا تھا کہ پوری دنیا نے اس بیماری پر قابو پالیا ہے مگر بدقسمتی سے دنیا بھر میں صرف پاکستان اور افغانستان میں پولیو وائرس موجود ہے جس کا واحد حل بچوں کو پولیو سے بچائو کے قطرے پلانا ہے. پاکستان اور افغانستان میں بیک وقت انسداد پولیو مہم چلائی جائے تو پولیو وائرس کا خاتمہ کیا جاسکتا ہے ۔ پولیو کا خاتمہ ہم سب کی سماجی ذمہ داریوں میں شامل ہے.
