اسلام آباد؛
عوامی نیشنل پارٹی کے صوبائی نائب صدر سینیٹر نوابزادہ ارباب عمر فاروق کاسی نے وفاقی وزیر توانائی انجینئر خرّم دستگیر سے ملاقات کی،ملاقات میں سینیٹر نوابزادہ ارباب عمر فاروق کاسی نے وفاقی وزیر توانائی کی توجہ کوئٹہ شہر اور اندرون صوبہ غیر اعلانیہ لوڈ شیڈنگ اور کیسکو کی زائد بلوں کی مبذول کراتے ہوئے کہا کہ کیسکو کی طویل لوڈ شیڈنگ سے شہریوں اور زمینداروں کو مشکلات کا سامنا کرنا پڑ رہا ہے جبکہ گرمی کی شدت میں اضافے سے عوام الناس کی تکالیف مزید بڑھ گئی ہے اس موقع پر وفاقی وزیر توانائی خرّم دستگیر نے سنیٹیر نوابزادہ عمر فاروق کاسی کو یقین دلایا کہ وفاقی حکومت کویٹہ کے شہریوں کو برقی ترسیل کی بروقت فراہمی کے لیے ہنگامی بنیادوں پر اقدامات اٹھائیں گی اور اس ضمن میں اراکین پارلیمنٹ کی تجاویز اور سفارشات کا خیر مقدم کیا جائے گا،
وفاقی وزیر توانائی خرّم دستگیر نے
کیسکو چیف سے کویٹہ اور صوبے بھر میں لوڈ شیڈنگ کی تفصیلات اور شہریوں کو بجلی کی فراہمی کے لیے اٹھائے گئے اقدامات کی تفصیلات طلب کرتے ہوئے عوامی نیشنل پارٹی کے صوبائی نائب صدر سینیٹر نوابزادہ ارباب عمر فاروق کاسی کو مکمل یقین دھانی کروائی کہ اگلے مہینے تک کوئٹہ میں لوڈ شیڈنگ کادورانیہ مزید کم کیا جائےگااور کیسکو کے نظام کار میں اصلاحات اور جدت لاکر شہریوں کو برقی ترسیل کی فراہمی کا عوام دوست نظام وضع کیا جائے گا۔
